თბილისის მერიის ინფორმაციით, ახლაგრარემონტებულ მეტროსადგურ ვარკეთილში, რომელშიც დღეს, 30 იანვარს, ჭერი ჩამოინგრა, მუშაობა 31 იანვარს, 6 საათზე აღდგება.

როგორც მერიაში On.ge-ს უთხრეს, მეტროსადგურში გაწმენდითი სამუშაოები მიმდინარეობს, რომელიც დაახლოებით დილის 4 საათზე დასრულდება.

ჭერის ჩამონგრევის შედეგად 14 ადამიანი დაშავდა. სადგურის განახლებაზე კომპანია ყვარელრემმშენმა იმუშავა, რომელსაც თბილისის სატრანსპორტო კომპანიამ 347 852 ლარი გადაუხადა. ინციდენტთან დაკავშირებით გამოძიება სამთო, სამშენებლო ან სხვა სამუშაოს წარმოებისას უსაფრთხოების წესის დარღვევის ფაქტზე, სსკ-ის 240-ე მუხლით მიმდინარეობს.