ქუთაისის საქალაქო სასამართლომ ექიმს, რომელმაც ახალნამშობიარებელი ქალის მდგომარეობა სწორად არ შეაფასა და სათანადო მკურნალობა არ ჩაუტარა ორწლიანი პატიმრობა მიუსაჯა. სასამართლომ გადაწყვეტილება 26 იანვარს გამოაცხადა. ექიმს ბრალი სიცოცხლის გაუფრთხილებლად მოსპობისთვის ედებოდა.

პროკურატურის ინფორმაციით, სასამართლოზე გაირკვა, რომ 2012 წლის 18 ივლისს ორსულმა ქუთაისში შპს ქუთაისის #3 სამშობიარო სახლს მიმართა და ექიმთან აღრიცხვაზე დადგა. 2013 წლის 7 იანვრის საკეისროდან სახლში გაწერის შემდეგ კი მისი მდგომარეობა გაუარესდა და მოგვიანებით, 25 იანვარს გარდაიცვალა.