შინაგან საქმეთა სამინისტროს ინფორმაციით, პირველ ივლის კანდელაკის ქუჩაზე მომხდარ მკვლელობაში ბრალდებული დაკავებულია.

1986 წელს დაბადებული ბექა დ. 1984 წელს დაბადებული მიხეილ ც.-ს განზრახ მკვლელობაშია ბრალდებული.

შსს-ს ინფორმაციით, მკვლელობა შურისძიების ნიადაგზე მოხდა და მოკლული ბრალდებულის ნაცნობი იყო. გარდაცვლის ცეცხლსასროლი იარაღით თავისა და გულმკერდის არეში რამდენიმე ჭრილობა ჰქონდა მიყენებული და ის საავადმყოფოში გარდაიცვალა.

გამოძიების მიხედვით, ბრალდებულმა დანაშაულის ჩადენის დროს ორლულიანი, გადაჭრილი სანადირო თოფი, გამოიყენა, რომელიც სამართალდამცავებმა ნივთმტკიცებად ამოიღეს. შსს-ს ცნობით, დაკავებული ჩადენილ დანაშაულს აღიარებს.

გამოძიება განზრახ მკვლელობის და ცეცხლსასროლი იარაღის მართლსაწინააღმდეგო შეძენა-შენახვა-ტარების ფაქტზე მიმდინარეობს (საქართველოს სსკ-ის 108-ე და 236-ე მუხლებით).