ლუიზვილში მომხდარი ორმაგი მკვლელობის ბრალდებით, 23 წლის პირი დააკავეს. ინფორმაციას ადგილობრივი მედია ავრცელებს.

პოლიციას მიაჩნია, რომ ბრალდებულმა 31 წლის ქართველი ექიმი დავით კანდელაკი და 30 წლის ჯოშუა რაისი მოკლა, შემდეგ კი მატერიალური მტკიცებულებები გააყალბა.

გამოცემის ინფორმაციით, პოლიციას სხვა ეჭვმიტანილები არ ყავს, თუმცა, საგამოძიებო მოქმედებები კვლავ გრძელდება.

ამერიკელმა სამართალდამცავებმა კენტუკის შტატ ქალაქ ლუიზვილში, საცხოვრებელ ბინაში, ორი მოკლული კაცი 21 იანვარს იპოვეს, მათგან ერთი 31 წლის დავით კანდელაკი იყო. კანდელაკი ამერიკის შეერთებულ შტატებში ცოლთან და ორი წლის ტყუპებთან ერთად ცხოვრობდა.