ამერიკის კინოაკადემიამ ოსკარის რიგით 90-ე დაჯილდოებიც ნომინანტები გამოაცხადა. გილერმო დელ ტოროს ფილმმა The Shape of Water ოსკარზე 13 ნომინაცია მიიღო, კრისტოფერ ნოლანის Dunkirk-მა - 8, მარტინ მაკდონაჰის Three Billboards Outside Ebbing, Missouri - 7, ხოლო გრეტა გერვიგის Lady Bird-მა ხუთი.

აქვე უნდა ითქვას ისიც, რომ ლეგენდარულმა მერილ სტრიპმა საკუთარი პოზიციები გაიმყარა და ოსკარის 21-ე ნომინაციაც მიიღო საუკეთესო მსახიობი ქალის ნომინაციაში.

რაც შეეხება რეჟისორებს, აქ ერთმანეთს საუკეთესოს ტიტულისთვის - გილერმო დელ ტორო,
პოლ ტომას ანდერსონი, ჯორდან პილი, კრისტოფერ ნოლანი და გრეტა გერვიგი შეერკინებიან.

Lady Bird-ის რეჟისორი გრეტა გერვიგი კი ოსკარის 90-წლიან ისტორიაში მეხუთე ქალი გახდა, რომელიც კინოაკადემიამ საუკეთესო რეჟისორი ქალის ნომინაციაზე წარადგინა.

პირველად ქალი ამ კატეგორიაში 1997 წელს წარადგინეს. ლინა ვარმიულერმა ეს ნომინაცია Seven Beauties-ისთვის მიიღო, თავად ფილმი კი საუკეთესო უცხოენოვანი ფილმის ნომინაციაში მოხვდა.

რაც შეეხება გამარჯვებას, ოსკარი მხოლოდ ერთმა, კეტრინ ბიგელოუმ მიიღო 2010 წელს ფილმისთვის - The Hurt Locker. ბიგელოუმ ამავე კატეგორიაში მეორე ნომინაცია 2013 წელს Zero Dark Thirty-ისთვისაც მიიღო.

საუკეთესო რეჟისორის ნომინაციაზე თავის დროზე ასევე წარადგინეს - ჯეინ კამპიონი და სოფია კოპოლა.

რაც შეეხება საუკეთესო ფილმის კატეგორიას, აქ 90 წლის განმავლობაში მხოლოდ 12 ქალი რეჟისორის ფილმმა დაიმსახურა აკადემიის ყურადღება.