თურქეთის სამხედრო თვითვმფრინავებმა სირიის ჩრდილოეთით, აფრინში ქურთებზე საჰაერო იერიში მიიტანეს. თურქეთის გენშტაბმა განაცხადა, რომ ოპერაცია საღამოს დაიწყო.

თურქეთის სამხედრო ძალები ცდილობენ ქურთები გააძევონ აფრინის რეგიონიდან, რომელიც მათ 2012 წლიდან უჭირავთ.

დღეს, პრეზიდენტმა რეჯეპ ტაეპ ერდოღანმა განაცხადა, რომ ქურთების წინააღმდეგ სამხედრო ოპერაცია დაიწყო. მმართველი პარტიის კონფერენციაზე გამოსვლისას მან თქვა, რომ აფრინის შემდეგ სამხედროები სირიის ქალაქ მანბიჯში გადავლენ, რადგან "თურქეთისთვის მიცემული დაპირებები არ შესრულდა".

სირიის სამთავრობო ძალებმა თავის მხრივ თურქეთი გააფრთხილეს, რომ მათ თვითმფრინავებს ჩამოაგდებდა. სირიის სამთავრობო ძალების მხარდამჭერმა რუსეთმა განაცხადა, რომ აფრინში მიმდინარე კონფლიქტშიი არ ჩაერთვებოდა. ქურთების რამდენიმე დაჯგუფება აშშ-ს ისლამურ სახელმწიფოსთან ბრძოლაში ეხმარებოდა.