მეცნიერები მედიცინის ერთ-ერთ მნიშვნელოვან მიღწევას მიუახლოვდნენ - სისხლის უნივერსალური ტესტი კიბოს აღმოსაჩენად, წერს BBC.

ჯონს ჰოპკინსის საავადმყოფოს გუნდმა ახალი მეთოდი გამოსცადა, რომელიც დაავადების რვა ფორმას პოულობს. ის ყოველწლიურ გამოკვლევას ითვალისწინებს, რათა დაავადება დაბალ საფეხურზე გამოვლინდეს.

ტესტი CancerSEEK მუტაციას 16 გენში ეძებს. ტესტირება 1005 ადამიანს ჩაუტარეს, რომელთაც საკვერცხეების, თირკმლის, კუჭის, პანკრეასის, საყლაპავი მილის, ნაწლავების, ფილტვების კიბო ჰქონდათ და სხვა ქსოვილებზე ჯერ არ გავრცელებულა. 70 პროცენტს კიბო აღმოუჩინეს.

უნივერსიტეტის სამედიცინო სკოლის ექიმი მიიჩნევს, რომ ახალი ტესტი კიბოთი სიკვდილიანობაზე სერიოზულად იმოქმედებს.

კიბოს რვა ფორმიდან ხუთის შემთხვევაში ადრეული დიაგნოსტიკა შეუძლებელია. მაგალითად, პანკრეასის კიბოს რამდენიმე სიმპტომი აქვს. მისი დიაგნისტიკა იმდენად გვიან ხდება, რომ ხუთიდან ოთხი პაციენტი დიაგნოზის დასმის იმავე წელს კვდება.

ამ ტესტს ჯერჯერობით ცდიან იმ ადამიანებზე, რომელთაც კიბოს დიაგნოზი უკვე დასმული აქვთ. მეცნიერებს აქვთ იმის იმედი, რომ მას კვლევის სხვა ინსტრუმენტების, მამოგრაფიისა და კოლონოსკოპიის დამატება შეუძლია.