60-იანი წლების ვარსკვლავი ბრიჯიტ ბარდო, სექსუალური შევიწროების წინააღმდეგ წამოწყებულ კამპანია #metoo-ს ყალბსა და სასაცილოს უწოდებს.

83 წლის მსახიობი მიიჩნევს, რომ ქალები ამ ბრალდებებით პოპულარობის მოხვეჭას ცდილობენ.

"უამრავი ქალი ცდილობს პროდიუსერი აცდუნოს და ასე მოიპოვოს როლი, შემდეგ კი, მათზე ისაუბრონ და თქვან, რომ შეავიწროვეს. მათი უმრავლესობა სასაცილო და თვალთმაქცია" - თქვა მან Paris Match-თან ინტერვიუში.

საკუთარ გამოცდილებაზე საუბრისას, ბარდომ დასძინა, რომ ის სექსუალურად არასდროს შეუვიწროებიათ:

"ჩემთვის სასიამოვნო იყო, როცა კაცები მეუბნებოდნენ რომ ლამაზი ვიყავი, ან მშვენიერი პატარა უკანალი მქონდა".

ბრიჯიტ ბარდო ცხოველების დასაცავად იბრძვის. საფრანგეთის არჩევნების წინ ის აცხადებდა, რომ, მაკრონის გამარჯვების შემთხვევაში, ცხოველები მოკვდებოდნენ.