ფრანგმა მსახიობმა ბრიჯიტ ბარდომ საფრანგეთის მოქალაქეებს მოუწოდა, საპრეზიდენტო არჩევნებში მხარი ემანუელ მაკრონს არ დაუჭირონ. ამის შესახებ განცხადება ცხოველთა უფლებების დამცველმა და მსახიობმა ბარდომ საკუთარ ტვიტერზე გამოაქვეყნა.

"ის, რასაც მაკრონი აპირებს საშიშია. მას თანაგრძნობის უნარი საერთოდ არ აქვს და იმ შემთხვევაში თუ მაკრონი გაიმარჯვებს, ცხოველები მოკვდებიან", - წერს ბარდო.

ცნობილი იყო, რომ ბარდო მხარს მაკრონის კონკურენტ მარინ ლე პენს უჭერდა და ამბობდა, რომ ის ერთადერთია ვისაც შეუძლია საფრანგეთს ძველი დიდება დაუბრუნოს.

ფრანგი მსახიობი ბრიჯიტ ბარდო მისი კრიტიკული გამონათქვამებით არის ცნობილი, მას არა ერთხელ უთქვამს, რომ სძულს მიგრანტები და მუსლიმები, რის გამოც რამდენჯერმე დააჯარიმეს კიდეც.