ოკუპირებული სამხრეთ ოსეთის შინაგან საქმეთა სამინისტროში სააგენტო რეს განუცხადეს, რომ სოფელ არცევში, ერთ-ერთ შენობაში მარეკ დუდაევი გარდაცვლილი იპოვეს. მას სამი ჭრილობა ჰქონდა მიყენებული ცეცხლსასროლი იარაღით. ამის შესახებ Ekho kavkaza წერს. მათივე ცნობით, დუდაევს თანასოფლელმა ესროლა, შემდეგ კი მიიმალა.

2004 წლის მარტში, ცხინვალში მცხოვრებ მარეკ დუდაევს საქართველოში 23-წლიანი პატიმრობა მიუსაჯეს. 2005 წლის ნოემბერში, თბილისის საოლქო სასამართლომ დამნაშავედ სცნო მკვლელობაში, ყაჩაღობასა და ფულის გამოძალვაში. ხელისუფლების შეცვლის შემდეგ, 2013 წელს ის პატიმრობიდან გაათავისუფლეს და დე ფაქტო რესპუბლიკას გადასცეს.