ნიუ-ჯერსის მმართველმა კრის კრისტიმ ორშაბათს კანონს მოაწერა ხელი, რის შემდეგაც არალეგალურად ითვლება ნასვამ მდგომარეობაში უპილოტო დრონის მართვა.

კანონის მიხედვით, დრონის აფრენა სისხლში ალკოჰოლის 0,08% შემცველობის შემდეგ იკრძალება, ისევე, როგორც ავტომობილის მართვა. კანონდამრღვევი ექვსი თვით ციხეში, ან $1000-იან ჯარიმას გადაიხდის. ან სულაც ორივე.

კანონი, რომელიც დემოკრატების მიერ მართულ შტატში ამ თვის დასაწყისში გავიდა, ასევე კრძალავს ციხესთან ახლოს დრონის ფრენას. გარდა ამისა, იკრძალება ველური ბუნების წარმომადგენლების დრონით დადევნება.

Consumer Technology Association-ის პროგნოზით, 3,1 მილიონი დრონი მხოლოდ ამერიკაში გაიყიდა გასულ წელს, რაც 2016 წელთან შედარებით 28%-ით მეტია.