მაგთიკომი 2018 წლის 18 იანვრიდან მობილური ინტერნეტის პაკეტებს აძვირებს. აღნიშნულის საფუძვლის გასარკვევად On.ge დაუკავშირდა კომპანიის პრესსამსახურს. მაგთიში აცხადებენ, რომ ინტერნეტ პაკეტების გაძვირების მიზეზებზე საუბარი არ სურთ.

თითოეული პაკეტზე ფასი შემდეგნაირად იმატებს:

  • 500 მბ - 5₾ (ძველი ფასი 3₾);
  • 1000 მბ - 7₾ (ძველი ფასი 5₾);
  • 2 000 მბ - 12₾ (ძველი ფასი 7₾);
  • 4 000 მბ - 14₾ (ძველი ფასი 10₾);
  • 6 000 მბ - 18₾ (ძველი ფასი 15₾);
  • 15 000 მბ - 35₾ (ძველი ფასი 30₾).

ტარიფების ზრდასთან დაკავშირებით საჩივარი ჯერ არ შესულა საქართველოს კომუნიკაციების ეროვნული კომისიასთან არსებულ მომხმარებელთა ინტერესების დამცველთან. ტელეკომუნიკაციების ომბუდსმენი, თამთა ტეფნაძე On.ge-სთან საუბრისას ამბობს, რომ მაგთიკომს ტარიფების გაზრდასთან დაკავშირებით უკვე მიმართეს და მათგან პასუხს ელოდებიან.

ფასების ზრდის შემდეგ, 2018 წლის 18 იანვრიდან, მაგთის მობილური ინტერნეტპაკეტი საქართველოში ყველაზე ძვირი ეღირება.

18 იანვირდან მოქმედი ინტერნეტპაკეტების ფასები კომპანიების მიხედვით

ფოტო: On.ge