დღეს 30 დეკემბერს, ქუთაისი-კავალას ავიარეისის განხორციელების დროს, კავალას საერთაშორისო აეროპორტთან მიახლოებისას Wizz Air-ის თვითმფრინავს მეხი დაეცა, რის გამოც ის სოფიას საერთაშორისო აეროპორტში გადამისამართდა.

ამ ეტაპზე, ბორტს ინსპექტირება უტარდება. იმ შემთხვევაში, თუ ბორტი ფრენების შესრულებას შეძლებს, ქუთაისის აეროპორტიდან 30 დეკემბერს დაგეგმილი რეისები (ქუთაისი-ლარნაკა - გეგმიური გაფრენა 12:45; ქუთაისი-მემინგენი - გეგმიური გაფრენა 18:25) დაგვიანდება.

მგზავრების ტრანსპორტირება სოფიადან კავალას მიმართულებით უზრუნველყოფს ავიაკომპანია.