ხვალ, 29 დეკემბერს, 13:30 საათზე სასამართლოს შენობის წინ, ზვიად რატიანის საქმეზე განაჩენის გამოცხადების პარალელურად მოქალაქეები შეიკრიბებიან და სოლიდარობის ნიშნად, მის ლექსებსა და თარგმანებს წაიკითხავენ:

"ზვიად რატიანის შემთხვევა არ არის გამონაკლისი. ის ძალოვანი სისტემის ზღვარსგადასული აგრესიის ერთ-ერთი მაგალითია. ჩვენი შეკრებით ვაპროტესტებთ ძალადობას და სოლიდარობას ვუცხადებთ ზვიად რატიანს," - ვკითუხლობთ Facebook ღონისძიების აღწერაში.

ზვიად რატიანი აცხადებს, რომ თამარ მეფის გამზირზე ნარინჯისფერ ქურთუკში გამოწყობილ პოეტს რამდენიმე ადამიანი მიუახლოვდა და დამცინავად ჰკითხა, თუ რატომ იყო ასეთი ფერის ტანსაცმლით შემოსილი. ადვოკატის თქმით, პოეტმა მიუგო, რომ ეს მათი საქმე არ იყო, რის შემდეგაც საუბარი გამწვავდა. ამის შემდეგ შსს-ს თანამშრომლებმა რატიანს სცემეს.

პოეტის მიმართ შედგენილია ადმინისტრაციული სამართალდარღვევის ოქმი. მას სამართალდამცავი ორგანოს თანამშრომლის კანონიერი მოთხოვნისადმი დაუმორჩილებლობას და ხულიგნობას ედავებიან.

შსს-ს მტკიცებით კი რატიანი ნასვამი იყო, ვერ აკონტროლებდა ქცევას და ლექსიკას, იქცეოდა აგრესიულად, წინააღმდეგობას უწევდა და შეურაცხყოფას აყენებდა სამართალდამცველებს. შსს იმასაც უარყოფს, რომ პოლიციელებს ფორმა არ ეცვათ.

სამართალდამცავების მიმართ წაყენებულ ბრალდებასთან დაკავშირებით მთავარმა პროკურატურამ უკვე დაიწყო გამოძიება. მოკვლევას აწარმოებს შინაგან საქმეთა სამინისტროს გენერალური ინსპექციაც.