საქართველოს პრეზიდენტმა, 187 მსჯავრდებული შეიწყალა, მათგან 123 პატიმარი სასჯელაღსრულების დაწესებულებებს დღესვე დატოვებს. ამის შესახებ შეწყალების კომისიის თავმდჯომარემ, ზვიად ქორიძემ პრეზიდენტის ადმინისტრაციაში გამართულ ბრიფინგზე განაცხადა.

მისივე თქმით, შეწყალებულთაგან 64 პატიმარს დანაშაული შეუმსუბუქდა. შეწყალებულ პირთაგან 3 არასრულწლოვანი და 12 ქალია.

ქორიძის თქმით, კომისიამ 1 182 პირის საქმე განიხილა, ხოლო მათ შორის ვანო მერაბიშვილის საქმე კომისიის დღის წესრიგში არ ყოფილა, ამიტომაც მისი საქმე არ განხილულა. მანვე აღნიშნა, რომ შეწყალებულთა შორის 65 პირი, რომელიც საპატიმრო დაწესებულებას დატოვებს, სხვადასხვა ტიპის ნარკოდანაშაულზე არის მსჯავრდებული.

რამდენიმე დღის წინ თეთრი ხმაურის მოძრაობამ პრეზიდენტს ინიციატივით მიმართა, რათა მას ნარკოდანაშაულისთვის მსაჯვრდებული ადამიანები შეეწყალა.