სახელმწიფო უსაფრთხოების სამსახურის ინფორმაციით, ქრთამის აღების ფაქტზე გარემოს ეროვნული სააგენტოს გეოლოგიის დეპარტამენტის, მინერალური რესურსების სამმართველოს მთავარი სპეციალისტი დააკავეს.

გამოძიების ცნობით, დაკავებულმა ერთ-ერთი შპს-ს დირექტორს სასარგებლო წიაღისეულის შესწავლა-მოპოვების ლიცენზიის მიღებისათვის გეოლოგიური პაკეტის საჩქარო ვადაში დამზადებისა და ლიცენზიის აუქციონზე გატანის სანაცვლოდ ქრთამის სახით მოსთხოვა და გამოართვა 20 ათასი დოლარი.

გამოძიება სისხლის სამართლის კოდექსის 338-ე მუხლის მესამე ნაწილის ე ქვეპუნქტით მიმდინარეობს, რაც ქრთამის აღებას გულისხმობს და ისჯება თავისუფლების აღკვეთით ვადით თერთმეტიდან თხუთმეტ წლამდე.