ბელარუსში კრიპტოვალუტების მაინინგი ლეგალური გახდა. გარდა ამისა, აკრძალვა მოიხსნა ტოკენების (ფასიანი ქაღალდების ანალოგი) ფლობასა და ყიდვა-გაყიდვაზე. დეკრეტი "ციფრული ეკონომიკის შესახებ" ასე ჰქვია დოკუმენტს, რომელსაც უკვე მოაწერა ხელი ბელარუსის პრეზიდენტმა, ალექსანდრ ლუკაშენკომ. ამის შესახებ ინფორმაცია ბელარუსის პრეზიდენტის ოფიციალურ საიტზე ვრცელდება.

დეკრეტის მიზანია უფრო მიმზიდველი გახადოს ბელარუსი, რაც შეილება მეტი IT კომპანიისთვის. დოკუმენტის თანახმად, ფიზიკურ პირებს შესაძლებლობა ექნებათ კრიპტოვალუტების მაინინგის. გარდა ამისა, შესაძლებელი იქნება ტოკენების გაცვლა, გაყიდვა, მათ შორის უცხოურ ვალუტასა და ანდერძით გადაცემაც. ამავდროულად, ტოკენებით ჩატარებული ოპერაციები არ ჩაითვლება სამეწარმეო საქმიანობად და გათავისფულებული იქნება დღგ-სგან და მოქმედი პირები ისარგებლებენ სხვადასხვა საგადასახადო შეღავათით.

სულ აღნიშნულ დოკუმენტში ჩამოთვლილია 38 სხვადასხვა საქმიანობის ტიპი მაღალი ტექნოლოგიების სფეროში. დოკუმენტში არსებული ჩამონათვალიდან ნებისმიერი საქმიანობა მსურველებს შესაძლებლობას მისცეს გახდნენ ქვეყნის პირველი ტექნო პარკის რეზიდენტები, რომელიც მშენებლობის პროცესშია. დოკუმენტი ხსნის სავიზო შეზღუდვებს იმ ადამიანებისთვის ვინც პარკში იმუშავებს. პარკში მომუშავე ადამიანებისთვის მნიშვნელოვნად გამარტივდება ბიუროკრატიული პროცედურები.

ამ გადაწყვეტილებით ბელარუსი შეურთდა იმ სახელმწიფოთა რიგს, რომლებმაც კრიპტოვალუტების შესახებ საკანონმდებლო ცვლილებები მიიღეს.