ელექტრონული სპორტის ტურნირი, თბილისის თასი 2017 - Cyberfield 14-დან 17 დეკემბრსი ჩათვლით აბრეშუმის ქარხანაში ჩატარდება. ტურნირის ორგანიზატორები Esports.ge, საქართველოს კიბერ სპორტის ფედერაცია და სეტანტა Georgia არიან.

ჩემპიონატი ტარდება შემდეგ მიმართულებებში: CS:GO / Dota 2 / League Of Legends / FIFA 18. საპრიზო ფონდი შეადგენს 30 000 ლარს.

17 დეკემბერს გაიმართება Grand Final FIFA 18-ში, სადაც საუკეთესო ქართველი დაუპირისპირდება მოწვეულ პროფესიონალ მოთამაშეებს ყაზახეთიდან, უკრაინიდან და რუსეთიდან - ფინალის საპრიზო ფონდია 5 000 დოლარი.

მაყურებლებისთვის ტურნირზე დასწრება უფასოა. მოსულ მაყურებელს დახვდება Fun ზონა: HyperX - გეიმერული ტექნიკის სტენდით, VR House - ვირტუალური რეალობის აპარატებით, GameZone – Injutice 2-ის ჩემპიონატით, საქართველოს ფეხბურთის ფედერაცია - სამაგიდო ფეხბურთის ჩემპიონატით, Aerium Games – Mortal Kombat-ის საარკადო აპარატით, Redbull-ის energy zone და სხვა.