ვაზიანის ბაზაზე დღეს გაიხსნა სამდღიანი კონფერენცია შეიარაღებული ძალების მობილიზაციისა და რეზერვის კონცეფციის შესახებ, სადაც გენერალური შტაბის ხელმძღვანელმა ვახტანგ კაპანაძემ განაცხადა რომ ყველზე მნიშვნელოვანია რეზერვში მოხდეს სპეციალიზაცია ორ კატეგორიად - სამოხალისეო და სავალდებულო რეზერვად.

კონფერენციას ესწრებოდა თავდაცვის მინისტრი თინა ხიდაშელიც. იგი აცხადებს, რომ საქართველო უნდა დაემშვიდობოს რეზერვის საბჭოურ გაგებას.

„ემსახურე ქვეყანას ისე, როგორც შეგიძლია და სამშობლოს გამოადგები. ბევრი მაგალითი მოვიყვანეთ სხვადასხვა პროფესიის ადამიანების, რომლებიც მათ შორის საომარი მოქმედებებისას თავიანთი პროფესიული საქმიანობის განხორციელებით გაცილებით უფრო ეფექტურები იქნებიან, ვიდრე მინდორში ავტომატებით გასვლით“.

კონფერენციაში ქართველ და ამერიკელ ექსპერტებთან ერთად მონაწილეობას იღებენ სტუდენტები და საზოგადოების სხვა წარმომადგენლები.