შინაგან საქმეთა სამინისტროს განცხადებით, სამართალდამცველებმა 1991 წელს დაბადებული პირი ნარკოტიკული საშუალების უკანონო შეძენა-შენახვისა და გასაღების ბრალდებით, ხოლო 1988 წელს დაბადებული კიდევ ერთი პირი ნარკოტიკული საშუალების უკანონო შეძენა-შენახვის ბრალდებით, ბათუმში დააკავეს.

უწყების მტკიცებით, დაკავებულების სახლის ჩხრეკისას, მათ ჰეროინის შემცველი 17,012 გრამი ნარკოტიკული საშუალება ამოიღეს.

გამოძიების ვერსიით ბრალდებული ნარკოტიკულ საშუალებას სისტემატურად ყიდდა. შსს აცხადებს, რომ პოლიციამ დაკავებულების მიერ გაყიდული 7 აბი სუბოქსინი და ჰეროინის შემცველი 3,9447 გრ ნარკოტიკული საშუალება ნივთმტკიცებად ამოიღო.