ბრაზილიელი ფეხბურთელი რობინიო, რომელიც სხვადასხვა დროს იყო მანჩესტერ სიტისა და მილანის თავდამსხმელი, იტალიის სასამართლომ გაუპატიურებაში სცნო დამნაშავედ და ცხრაწლიანი პატიმრობა მიუსაჯა.

BBC-ის ცნობით, საქმე ეხება 2013 წელს მილანის ერთ-ერთ კლუბში მომხდარ ფაქტს. იტალიელი სამართალდამცავების ინფორმაციით, რობიონიომ ხუთ პირთან ერთად ჯგუფურად გააუპატიურა 22 წლის გოგო. მილანის სასამართლომ რობიონიოსთან ერთად, აღნიშნული პირებიც დამნაშავედ მიიჩნია.

იტალიური მართლმსაჯულების სისტემა გასაჩივრების არაერთ საფეხურს ითვალისწინებს, რასაც გარკვეული პერიოდი სჭირდება და სანამ გადაწყვეტილება საბოლოო არ იქნება, განაჩენიც არ აღსრულდება.

რობინიო ამჟამად ბრაზილიაში იმყოფება და ადგილობრივი კლუბ ატლეტიკო მინეიროში თამაშობს.