საქართველოს თავდაცვის მინისტრი, ლევან იზორია დღეს, 23 ნოემბერს, გიორგობის დღესასწაულზე ზუგდიდში ჩავიდა, ყოვლადწმინდა ღვთისმშობლის მშენებარე საკათედრო ტაძარში წირვას დაესწრო და ეკლესიას წმინდა გიორგის სახელობის ხატი შესწირა. ვიზიტის შესახებ ინფორმაცია თავდაცვის სამინისტროს ვებგვერდზე გამოქვეყნდა.

"წმინდა გიორგი რომის იმპერატორის, დიოკლიტიანეს ბრძანებით აწამეს. კერპთაყვანისმცემელმა იმპერატორმა, წმინდა გიორგის ქრისტეს უარყოფა მოსთხოვა. დიდმოწამე გიორგიმ რწმენას არ უღალატა, რის გამოც ის მბრუნავ ბორბალზე სასტიკად აწამეს, 30 წლის ასაკში კი თავი მოკვეთეს", - აღნიშნავენ უწყებაში.