ევროპარლამენტის სამოქალაქო თავისუფლებათა, მართლმსაჯულებისა და შინაგან საქმეთა კომიტეტში (LIBE) საქართველოსთვის ვიზალიბერალიზაციის მინიჭების საკითხზე დღეს აღარ იმსჯელებენ.

პარლამენტის ოფიციალურ ვებ-გვერდზე წერია, რომ 27 ივნისს ჩანიშნული კომიტეტების ყველა შეხვედრა გადაიდო, რადგან პოლიტიკურ ჯგუფებს მომზადების საშუალება მიეცეთ 28 ივნისის რიგგარეშე პლენარული სესიისთვის.

აღნიშნული საგანგებო შეხვედრა ევროპარლამენტში, ბრიტანეთის რეფერენდუმთან დაკავშორებით უნდა გაიმართოს.