საქართველოს მართლმადიდებელი ეკლესიის პატრიარქმა ილია მეორემ საპატრიარქო ტახტის მოსაყდრედ მიტროპოლიტი შიო მუჯირი დანიშნა. შესაბამისი ბრძანება ილია მეორემ დღეს, 23 ნოემბერს, ქაშვეთის ეკლესიაში გააცნო მრევლს.

საპატრიარქო ტახტის მოსაყდრე ეკლესიას მართავს იმ დროს, როცა პატრიარქი ვერ ასრულებს თავის მოვალეობებს, მისი გარდაცვალების ან გადადგომის შემთხვევაში, ახალი პატრიარქის არჩევამდე. მოსაყდრის დანიშვნიდან 40 დღის შემდეგ, არა უგვიანეს ორი თვისა, იგი ეკლესიის გაფართოებულ კრებას იწვევს, რომელზეც ახალ პატრიარქს აირჩევენ.

სენაკისა და ჩხოროწყუს ეპარქიის ხელმძღვანელი შიო მუჯირი ბერად 1993 წელს აღიკვეცა, მიტროპოლიტის წოდება კი 2010 წელს მიენიჭა.