თბილისის მერიაში აცხადებენ, რომ თბილისში, კოსტავას ქუჩაზე პარკინგისთვის ადგილების მოწყობის დროს ტენდერში გამარჯვებულმა კომპანიამ შეცდომა დაუშვა და ასფალტის საფარი უშუალოდ ხეების ირგვლივ დააგო.

"მას მწვანე ნარგავების ასფალტის საფარისგან სასწრაფოდ გათავისუფლების მითითება მიეცა, რაც უმოკლეს ვადებში შესრულდა. აღნიშნულ პროცესში ხეები - როგორც შტამბები, ასევე ფესვები არ დაზიანებულა", - აღნიშნავენ მერიაში.

უწყებაში აღნიშნავენ, რომ საპარკინგე ადგილი გზის დონეზე ეწყობა და ტროტუარისგან ბორდიურით იქნება გამიჯნული.