საუდის არაბეთის ახალმა ანტი კორუფციულმა ორგანომ 11 პრინცი, ოთხი მოქმედი და ათობით ყოფილი მინისტრი დააკავა. BBC-ის ცნობით, დაკავებულთა ვინაობა და თუ კონკრეტულად რაში ედებათ მათ ბრალი ცნობილი არ არის.

ახალ ანტი კორუფციულ ორგანოს, რომელსაც პრინცი მუჰამედ ბინ სალმანი ხელმძღვანელობს, გამოძიების დაწყება, დაკავება, მოგზაურობის უფლების შეზღუდვა და აქტივების გაყინვის უფლებამოსილება აქვს.

32 წლის პრინცი მუჰამედი საუდის არაბეთის პოლიტიკის გამორჩეული ფიგურაა. მას ხედავენ როგორც მთავარ მოთამაშეს ქვეყანაში რეფორმების გატარების კუთხით.

მისი თანამდებობაზე დანიშვნის შემდეგ, ქალებს მიეცათ მანქანის მართვისა და სტადიონზე შესვლის უფლება. პრინცმა, ასევე, განაცხადა, რომ ექსტრემისტულ იდეოლოგიის განადგურებასა და "უფრო ზომიერ ისლამზე" დაბრუნებას აპირებს.