საქართველოს ფინანსთა სამინისტროს საგამოძიებო სამსახურის თანამშრომლებმა ჭაჭის არყის აქციზური მარკის გარეშე გამოშვება, შენახვა, რეალიზაციის ბრალდებით, ერთი მეწარმე დააკავეს. უწყებაში ამბობენ, რომ ამოღებული სასმელის საბაზრო ღირებულება 5 620 ლარია.

"გამოძიებით დადგინდა, რომ ბრალდებული, ქალაქ თბილისში, მის კუთვნილ საწარმოში ჩამოსხმული ალკოჰოლური სასმელის - ჭაჭის არყის რეალიზაციას შესაბამისი აქციზური მარკის გარეშე ახდენდა", - აღნიშნავენ ფინანსურ პოლიციაში.

საქმეზე მიმდინარეობს გამოძიება საქართველოს სისხლის სამართლის კოდექსის მე-200 მუხლის მეორე ნაწილით მიმდინარეობს. ამ მუხლით აქციზური მარკის სავალდებულო დართვას დაქვემდებარებული დიდი ოდენობის საქონლის აქციზური მარკის გარეშე გამოშვება, შენახვა, რეალიზაცია ან გადაზიდვა ისჯება თავისუფლების აღკვეთით ვადით ოთხიდან ექვს წლამდე.