თბილისში, ბაგებში, ჯორჯიან უოთერ ენდ ფაუერი მილზე დაერთების სამუშაოებს ატარებს. ამ მიზეზით ვაკეში მოძრაობა შეფერხებულია და საცობია.

ამავე მიზეზით აგვიანებენ სამარშრუტო ხაზებზე მომუშავე ის ავტობუსები, რომლებიც ბაგების მიმართულებით გადაადგილდებიან. რიგ შემთხვევაში ავტობუსებს შორის ინტერვალები 40 წუთსაც აჭარბებს.

GWP-ში ამბობენ, რომ მათი ქსელი მიწისქვეშაა გაყვანილი და აუცილებელი იყო სავალი ნაწილის გათხრა, ახლა კი გზის მოწესრიგების სამუშაოები მიმდინარეობს. კონკრეტულად რამდენ ხანში დასრულდება სამუშაოები, კომპანიაში ამის თქმა უჭირთ.

თბილისის სატრანსპორტო კომპანიაში კი აცხადებენ, რომ ამ ეტაპზე ბაგებისკენ მიმავალი ავტობუსების მარშრუტების დროებითი ცვლილების საკითხი არ განიხილება.

ფოტო: ნასტასია არაბული / Facebook

ფოტო: ნასტასია არაბული

განახლება: ამ დროის [11:41] მონაცემებით, GWP-ში ამბობენ, რომ სამუშაოები დაასრულეს და ბაგების გზატკეცილზე საავტომობილო გზა გახსნილია და მოძრაობა სრულად აღდგენილია.