კოალიცია ცვლილებისთვის ერთ-ერთი ლიდერი, ნიკა მელია მოსამართლე ირაკლი შვანგირაძისთვის წყლის შესხმის ფაქტზე დამნაშავედ ცნო და მას 1 წლითა და 6 თვის ვადით თავისუფლების აღკვეთა მიესაჯა. სასჯელის ათვლის ვადა 20 ივნისია. გადაწყვეტილება თბილისის საქალაქო სასამართლოს მოსამართლე, ელენე გოგუაძემ მიიღო.

მოსამართლემ განმარტა, თუ რატომ არ გამოიყენა სასჯელის სახედ ჯარიმა. მისი ცნობით, დანაშაულის რეციდივს ჰქონდა ადგილი. გოგუაძის თქმით, როდესაც რეციდივს აქვს ადგილი, სასჯელს ერთი წელი უნდა დაემატოს. გოგუაძემ აღნიშნა, რომ ნიკა მელიას შემთხვევაში შემამსუბუქებელი გარემოება იყო ის ფაქტი, რომ მხარეებმა მტკიცებულებები უდავოდ მიიჩნიეს.

ცნობისთვის, ნიკა მელიას ბრალდება საქართველოს სისხლის სამართლის კოდექსის 366-ე მუხლის მე-2 ნაწილით წარედგინა, რაც სასამართლოს უპატივცემულობას გულისხმობს და სასჯელის სახედ და ზომად 2 წლამდე თავისუფლების აღკვეთას ითვალისწინებს ნიკა მელიამ პროცესზე მოსამართლეს სიტყვით მიმართვისას წყალი შეასხა).

მანამდე, ნიკა მელიას ბრალდება სისხლის სამართლის კოდექსის 349-ე მუხლით წარედგინა, რაც "საქართველოს პარლამენტის დროებითი საგამოძიებო კომისიის მოთხოვნის შეუსრულებლობას" გულისხმობს.