კატალონიის ლიდერი კარლეს პუდჩემონიმ განაცხადა, რომ ვადამდელ არჩევნებს აღარ დანიშნავს. მან ეს ახსნა იმით, რომ ესპანეთისგან საკმარისი გარანტიები ვერ მიიღო იმასთან დაკავშირებით, რომ რეგიონის მმართველობაში პირდაპირ არ ჩაერეოდა.

ესპანეთის სენატი კატალონიისთვის ავტონომიის სტატუსის ჩამორთმევას კენჭს პარასკევს, 27 ოქტომბერს უყრის კენჭს.

"გარანტიების არსებობის შემთხვევაში, მე მზად ვიყავი ვადამდელი არჩევნები გამომეცხადებინა. დღეს ეს გარანტიები არაა", - ამბობს პუდჩემონი.

მან ასევე განაცხადა, რომ ახლა გადაწყვეტილება კატალონიის პარლამენტის ხელშია, რომელსაც 1-ლი ოქტომბრის შედეგებზე დაყრდნობით ესპანეთისგან გამოყოფის დაწყება შეუძლია.

მოსახლეობის ერთი ნაწილი პუდჩემონს აკრიტიკებენ იმის გამო, რომ ყველა დაპირების მიუხედავად, ის დამოუკიდებლობას არ გამოაცხადებს. ადგილობრივი მედია წერდა, რომ პუდჩემონის სურდა პარლამენტის დათხოვნა და ვადამდელი არჩევნების დანიშვნა იმისათვის, რომ რეგიონში მადრიდის პირდაპირი მმართველობა აერიდებინა თავიდან.

რამდენიმე დღის წინ, ესპანეთის ხელისუფლებამ განაცხადა, რომ კატალონიისთვის ავტონომიის სტატუსის ჩამორთმევას კენჭს უყრის. ეს განცხადება ქვეყნის პრემიერ-მინისტრმა მას შემდეგ გააკეთა, რაც პუდჩემონიმ დამოუკიდებლობის გამოცხადებაზე უარი არ თქვა.

კატალონიის დამოუკიდებლობის შესახებ პირველი ოქტომბრის რეფერენდუმი, რომელსაც არ აღიარებს მადრიდი და არც ევროკავშირი, ჯერ კიდევ ჩატარებამდე გამოაცხადა არაკონსტიტუციურად ესპანეთის საკონსტიტუციო სასამართლომ. ესპანეთის ერთიანობას დაუჭირეს მხარი გერმანიამ და საფრანგეთმა.