სტატია შეცავს სპოლერებს House of the Dragon-ის მესამე სეზონიდან.

House of the Dragon-ის მესამე სეზონის პრემიერაში, შოურანერები ტელევიზიის ისტორიაში ერთ-ერთ ყველაზე ეპიკურ სცენას გვპირდებოდნენ და ფანების უმრავლესობის აზრით, ეს დაპირება შეასრულეს კიდეც.

მასშტაბური საზღვაო ბრძოლა, რომელიც ასობით ხომალდს, გემბანებზე ხელჩართულ ჩხუბსა და მფრინავ დრაკონებს მოიცავდა, ყველაზე გრანდიოზული იყო იმ ბრძოლებს შორის, რაც კი ამ სერიალში გვინახავს. ის თავისი მასშტაბით Game of Thrones-ის ისეთ ეპიკურ მომენტებსაც კი გვაგონებდა, როგორიც Battle of the Bastards არის. პირველი გამოხმაურებების მიხედვით, ფანები ერთხმად თანხმდებიან, რომ the Battle of the Gullet შოუს ერთ-ერთი საუკეთესო მომენტია.

ფოტო: HBO

ამ დროისთვის, მესამე სეზონის პირველ ეპიზოდს — Salt and Sea, Fire and Blood — IMDB-ზე 9.4 შეფასება აქვს. ეს აბსოლუტური რეკორდია, რომელიც მანამდე მხოლოდ ერთ სერიას — მეორე სეზონის მეოთხე ეპიზოდს, The Red Dragon and the Gold-ს ჰქონდა.

ფოტო: HBO

ეს ეპიზოდი, რომელიც წესით მეორე სეზონის ფინალი უნდა ყოფილიყო, ერთ-ერთი მთავარი გმირის სიკვდილით სრულდება. ბრძოლაში რეინირას ტახტის მემკვიდრე, ჯეისი კვდება. მის სიკვდილში კი ბრალი რეინას მიუძღვის. რეინამ ბრძოლის დროს თავისი ახლად მოთვინიერებული დრაკონი გამოიყვანა, რომელმაც კონტროლი დაკარგა და საკუთარი ჯარის გემების გადაწვა დაიწყო.

მიუხედავად იმისა, რომ 9.4 შეფასება House of the Dragon-სთვის რეკორდული მაჩვენებელია, ეპიზოდი Game of Thrones-ის საუკეთესო ეპიზოდების სიაში მაინც ვერ შედის. Game of Thrones-ის 17 ეპიზოდს 9.4 ან უფრო მაღალი რეიტინგი აქვს. მათ შორისაა მეექვსე სეზონის ფინალური ორი სერია — Battle of the Bastards და The Winds of Winter, რომლებმაც 9.9 შეფასება მიიღეს და IMDB-ის ისტორიაში ყველაზე მაღალრეიტინგულ ეპიზოდებად შევიდნენ.