ფეხბურთის ფედერაციის პრეზიდენტი და საქართველოს პარლამენტის დეპუტატი ლევან კობიაშვილი ფეხბურთელ გურამ კაშიას თანადგომას უცხადებს. შესაბამისი პოსტები კობიაშვილმა ფეისბუკსა და ინსტაგრამზე გამოაქვეყნა.

⚽️🇬🇪 @37gk

A post shared by Levan Kobiashvili (@levankobiashvili) on

გურამ კაშია საქართველოს ეროვნული ნაკრების ფეხბურთელი და ნიდერლანდების გუნდ ვიტესის კაპიტანია. ფეისბუკზე მისი ფოტოს გამოჩენას, რომელზეც თამაშის დროს, ლგბტ დროშის ფერებში სამკლაური უკეთია ქართველი მომხმარებლების ნაწილი გააღიზიანა. მოგვიანებით კაშიამ განაცხადა, რომ ძალადობის წინააღმდეგია და არ ნანობს რაც გააკეთა. თავად სამკლაური კი ცნობიერების ამაღლების კამპანიის ნაწილია.

ლევან კობიაშვილი ერთ-ერთია ქართული სპორტის იმ რამდენიმე წარმომადგენლიდან, რომელმაც გურამ კაშიას საჯაროდ დაუჭირა მხარი.