"სინოდის თითოეული წევრი ხელდასმულია ილია II-ის მიერ, ყველა არიან მისი სულიერი შვილები, ასევე კათალიკოს პატრიარქის მიერ მოსაყდრედ უკვე წლების წინ გამორჩეული შიო. ყველამ პატივი უნდა სცეს, უპირველეს ყოვლისა, პატრიაქის ხსოვნას", — განაცხადა შალვა პაპუაშვილმა საპატრიარქო ტახტის მოსაყდრე, მიტროპოლიტ შიოზე დასმული კითხვის საპასუხოდ. მისივე თქმით, ეკლესიის შიგნით "გარკვეული დამაპირისპირებელი ხმები, კომენტატები, შეფასებები არ ეკადრება პატრიარქის ხსოვნას".

"მე ძალიან მიჭირს იმის ყურება, რომ სამწუხაროდ ვხედავთ გარკვეულ დამაპირისპირებელ ხმებს, კომენტატებს, შეფასებებს, თავად ეკლესიის შიგნიდან, რაც ვფიქრობ რომ არ ეკადრება პატრიარქის ხსოვნას.

სინოდის თითოეული წევრი, ყველა ეპისკოპოსი ხელდასმულია ილია II-ის მიერ. ყველა არიან მისი სულიერი შვილები, ასევე კათალიკოს-პატრიარქის მიერ მოსაყდრედ უკვე წლების წინ გამორჩეული შიო. ყველამ პატივი უნდა სცეს, უპირველეს ყოვლისა, პატრიარქის ხსოვნას. ყველამ უნდა ღირსეულად ატაროს ის ხელდასმა, რომელიც პატრიაქტისგან აქვს მიღებული და ყველამ უნდა ღირსეულად გაუძღვეს იმ საქმეს რომელიც მათ გადააბარა ილია მეორემ.

ეს არის, ვფიქრობ, ყველას მოლოდინი, უპირველეს ყოვლისა მრევლისა და საზოგადოების მოლოდინი ეკლესიის მიმართ და ამიტომ მე ყველას მიმართ მექნება უმირჩილესი თხოვნა, რომ ღირსეულად გაიარონ ეს პროცესი, რომ ღირსეულად გაგრძელდედ ის საქმე, რომელიც კათალიკოს-პატრიარქმა თავისი ნახევარსაუკუნოვანი მოღვაწეობით თითოეულ მათგანს ჩააბარა.

ამ დიდ განსაკუთრებულ მდგომარებას, რასაც ჰქვია სინოდის წევრობა, ეპისკოპოსობა, სულიერი წინამძღვრობა ეპარქიისა სჭირდება სპეციალური და განსაკუთრებული პასუხისმგებლობით ტარება და განსაკუთრებით მაშინ, როცა ყველა, თითოეული, ერთი პატრიარქის მიერ არის გამოვლენილი და ხელდასმული.

ამიტომ მიჭირს მე, უბრალოდ, ისეთ კომენტარებს ვუსმენ, რომლებიც ხდება უფრო სხვა სფეროდან — პოლიტიკის სფეროში უფრო ჩვეულებად ქცეული გარკვეული სიძულვილის ენით საუბარიდან და შეფასებებიდან. ამიტომ მე ყველას მოვუწოდებ, რომ თავი შეიკავონ შეფასებებისგან.

ვხედავთ, რომ ხელისუფლება, ჩვენ, ვცდილობთ, რომ რაც შეიძლება ვიყოთ ამ მხრივ მორიდებული ჩვენს კომენტარებში და მივცეთ შესაძლებლობა ჩვენს ეკლესიას და წმინდა სინოდს, რომ ეს პროცესი ღირსეულად იქნას გაძღოლილი და ჩვენმა სინოდმა გამოავლინოს მომავალი კათალიკოს პატრიარქი" — განაცხადა შალვა პაპუაშვილმა.

ცნობისათვის, გუშინ, 5 მაისს, დმანისისა და აგარაკ-ტაშირის მთავარეპისკოპომა ზენონმა "ტვ პირველის" ეთერში საუბრისას განაცხადა, რომ "მეუფე შიო საშიშია საქართველოს ეკლესიისთვის პატრიარქად". მისივე თქმით, "ამ ადამიანმა [მეუფე შიომ] დაანახა, რომ არის უსამართლო, მსჯავრი არ აქვს მას სამართლით უამრავ რაღაცაში".