პენტაგონის მაღალჩინოსანმა განაცხადა, რომ ირანის ომი აშშ-ს დაახლოებით 25 მილიარდი დოლარი დაუჯდა. ინფორმაციას Deutsche Welle ავრცელებს.

ჯულს ჰერსტ III-მ, ომის ფინანსების მინისტრის მოვალეობის შემსრულებელმა, ეს ციფრი ოთხშაბათს, წარმომადგენელთა პალატის შეიარაღებული ძალების კომიტეტის მოსმენაზე გააჟღერა.

ოფიციალური პირის თქმით, დანახარჯების უდიდესი ნაწილი საბრძოლო მასალებზე მოდის. მან ასევე დასძინა, რომ სამხედრო უწყებამ თანხები ოპერაციების მართვასა და აღჭურვილობის ჩანაცვლებაზეც დახარჯა.

"ჩვენ თეთრი სახლის მეშვეობით შევიმუშავებთ დამატებით [კანონპროექტს], რომელიც წარედგინება კონგრესს მას შემდეგ, რაც კონფლიქტის ხარჯების სრული შეფასება გვექნება", — განაცხადა ჰერსტმა.