ადგილობრივი თვითმმართველობის არჩევნებზე საარჩევნო უბნების დახურვიდან რამდენიმე წუთში პრემიერმა გიორგი კვირიკაშვილმა პარტიის მთავარ შტაბში ბრიფინგი გამართა. მისი თქმით, არჩევნები მშვიდობიან თავისუფალ გარემოში ჩატარდა, წინასწარი შედეგებით კი კახი კალაძე ლიდერობს:

"ქართული ოცნება ამ დროისთვის არსებული წინასწარი მონაცემებით, დიდი უპირატესობით ლიდერობს. ეს არის თბილისელების გამარჯვება და ქართველი ხალხის გამარჯვება. ჩვენ ველოდებით ცენტრალური საარჩევნო კომისიის საბოლოო მონაცემებს, რომლებიც დარწმუნებული ვარ, დაადასტურებს ქართული ოცნების გამარჯვებას. დღეს ამომრჩევლების უმრავლესობამ ხმა მისცა იმ პოლიტიკურ ძალას, რომელმაც ბოლო ხუთი წლის განმავლობაში ძალიან ბევრი რამ გააკეთა საქართველოსთვის და წინ კიდევ უფრო მასშტაბური გეგმები აქვს. მინდა ყველას მადლობა ვუთხრა მხარდაჭერისთვის, ნდობის ასეთი მაღალი ხარისხისთვის".

ტელეკომპანია რუსთავი 2-ის ეგზიტპოლის მონაცემებით, თბილისში მერის არჩევნებში ქართული ოცნების მერობის კანდიდატმა, კახა კალაძემ 54% პროცენტი მიიღო.

რაც შეეხება მეორე ადგილზე გასულს, რუსთავი 2-ის ეგზიტპოლის მიხედვით მეორე ადგილზე გავიდა ზალიკო უდუმაშვილი და მას აქვს 15%, ალეკო ელისაშვილმა კი - 14%.

კვლევის მეთოდოლოგია

რუსთავი 2

ტელეკომპანია რუსთავი 2-ის დაკვეთით კვლევა დღეს, 21 ოქტომბერს ედისონ რისერჩმა საფასურის სანაცვლოდ ჩაატარა, თუმცა რესპონდენტები არ იხდიან ფულს და გამოკითხვა ამ ნაწილში უფასოა. კვლევის ცდომილება 3 პროცენტია.

რესპონდენტები კვლევისთვის პირისპირი გამოკითხვის მეთოდით, თვითადმინისტრირებული კითხვარით გამოიკითხნენ ქუთაისსა (კითხვარი) და თბილისში (კითხვარი).