სროლა იყო თეთრი სახლის კორესპონდენტების ასოციაციის მიღებაზე, რომელსაც აშშ-ის პრეზიდენტი ესწრებოდა. მალევე მოხდა მაღალი თანამდებობის პირების ევაკუაცია. BBC-ის ცნობით, სავარაუდო მსროლელი დააკავეს. დანაშაულის ჩადენის მოტივი ჯერ კიდევ უცნობია.

ვაშინგტონ ჰილტონის სასტუმროს მისაღებ ოთახში ღონისძიების შუაგულში გაისმა სროლის ხმები. შემდეგ ოთახში საიდუმლო სამსახურის აგენტები იარაღით ხელში შევიდნენ. BBC-ის კორესპონდენტის თქმით, აგენტებმა იყვირეს: "გასროლა მოხდა".

დონალდ ტრამპის ევაკუაცია

დონალდ ტრამპის ევაკუაცია

ადგილზე მაღალი თანამდებობის პირებიs დაუყოვნებლივი ევაკუაცია მოხდა. მათ შორის იყვნენ თავად დონალდ ტრამპი, პირველი ლედი მელანია ტრამპი, ვიცე-პრეზიდენტი ჯ.დ. ვენსი, თავდაცვის მინისტრი პიტ ჰეგსეთი და ჯანდაცვის მინისტრი რობერტ კენედი უმცროსი.

ვახშმის მონაწილეები პირველი გასროლის შემდეგ მაგიდების ქვეშ დაიმალნენ.

"მე პირდაპირ FBI-ის დირექტორის, კეშ პატელის წინ ვიჯექი და როდესაც, როგორც ამბობენ, გასროლის ხმა გაისმა, მან სწრაფად დაფარა მეგობარი ქალი სხეულით და იატაკზე დაეცა", — თქვა BBC-ის კორესპონდენტმა სუმი სომასკანდამ.

მისი თქმით, რამდენიმე წუთის შემდეგ, საიდუმლო სამსახურის აგენტმა ოთახში მყოფ სხვა აგენტებს ანიშნა, რომ პატელი უსაფრთხოდ იყო.

"როდესაც ყველანი წამოვდექით, პატელმა ტელეფონზე შეტყობინებების წერა დაიწყო. ვცადეთ გვეკითხა, იცოდა თუ არა, რა მოხდა, მაგრამ ის მაშინვე გაიყვანეს", — თქვა სომასკანდამ.

აშშ-ის საიდუმლო სამსახურმა დაადასტურა, რომ "სროლის ინციდენტში" არავინ დაშავებულა და ერთი ადამიანია დაკავებული.

სავარაუდო მსროლელი დააკავეს

სავარაუდო მსროლელი დააკავეს

ფოტო: ABC7

თეთრი სახლიდან მიმართვაში პრეზიდენტმა განაცხადა, რომ "ყოველთვის შოკისმომგვრელია, როდესაც ეს ხდება, ეს არასდროს იცვლება".

ინციდენტისთანავე ტრამპმა Truth Social-ზე დაწერა: "მსროლელი დააკავეს და მე ვურჩიე, რომ "შოუ გაგრძელდეს", მაგრამ მთლიანად სამართალდამცავი ორგანოების მეთვალყურეობის ქვეშ".