ისრაელის პრემიერმინისტრი ბენიამინ ნეთანიაჰუ უნგრეთის არჩევნების შედეგებს სოციალურ ქსელში გამოეხმაურა. მან ვიქტორ ორბანს მადლობა გადაუხადა და აღნიშნა, რომ ის ისრაელის ნამდვილი მეგობარია. მან ასევე დაწერა, რომ ორბანი მტკიცედ იდგა ისრაელის გვერდით უსამართლო საერთაშორისო ცილისწამების პირისპირ და მხარს უჭერდა ისრაელის ჯარისკაცებს.

ასევე, ნეთანიაჰუმ არჩევნებში გამარჯვება მოულოცა ოპოზიციური პარტია ტისას ლიდერს, პეტერ მადიარს და აღნიშნა, რომ მოუთმენლად ელის თანამშრომლობის გაგრძელებას ორივე ხალხის საკეთილდღეოდ.

"მინდა ჩემი ღრმა მადლიერება გამოვხატო ჩემი ძვირფასი მეგობრის, ვიქტორ ორბანის მიმართ, რომელიც ისრაელის ნამდვილი მეგობარია. ის მტკიცედ იდგა ისრაელის გვერდით უსამართლო საერთაშორისო ცილისწამების პირისპირ და მხარს უჭერდა ისრაელის ჯარისკაცებს ჩვენს სამართლიან, თავდაცვით ომში სასტიკი ტერორისტების წინააღმდეგ. ისრაელელ ხალხს ეს მუდამ ემახსოვრება.

ვულოცავ პეტერ მადიარს არჩევნებში გამარჯვებას. ვუსურვებ მას წარმატებებს უნგრეთის წინსვლაში, ჩვენს ქვეყნებს შორის არსებული მტკიცე კავშირების გაძლიერების პარალელურად.

მოუთმენლად ველი ჩვენი თანამშრომლობის გაგრძელებას ორივე ხალხის საკეთილდღეოდ", — დაწერა ნეთანიაჰუმ.

შეგახსენებთ, 12 აპრილს უნგრეთში საპარლამენტო არჩევნები გაიმართა, რომლის შედეგებითაც ოპოზიციონერი პეტერ მადიარის პარტიამ ვიქტორ ორბანის 16-წლიანი მმართველობა დაასრულა. პეტერ მადიარის პარტიამ ხმების 53%% მოიპოვა, რაც პარლამენტში 138 მანდატის მიღებას ნიშნავს. ვიქტორ ორბანის პარტიამ კი 38% მიიღო (55 მანდატი).