თურქეთის ქალაქ სტამბოლში, ისრაელის საკონსულოსთან სროლა იყო. ისრაელის საგარეო საქმეთა უწყების ინფორმაციით, სროლის დროს საკონსულო დაკეტილი იყო და თანამშრომლები შენობაში არ იმყოფებოდნენ.

CNN TURK-ის ინფორმაციით, შემთხვევის შედეგად 2 პოლიციელი დაშავდა. სტამბოლის გუბერნატორის დავით გიულის განცხადებით 3 თავდამსხმელიდან 1 მოკლულია, ორი კი "განეიტრალებულია".

თურქეთის შინაგან საქმეთა მინისტრის, მუსტაფა ჩიფჩის განცხადებით, თავდამსხმელებიდან ორი ძმები იყვნენ, ხოლო ერთ-ერთ თავდამსხმელს კავშირი ჰქონდა ორგანიზაციასთან, რომელიც "რელიგიას ექსპლუატაციას უწევს". საქმეზე გამოძიება დაიწყო.

"ტერორისტების ვინაობა დადგენილია. დადგინდა, რომ იზმითიდან დაქირავებული ავტომობილით სტამბოლში ჩასულ ერთ-ერთ პირს კავშირი ჰქონდა ორგანიზაციასთან, რომელიც რელიგიას ექსპლუატაციას უწევს," — წერს მინისტრი.