"[ასაკის] ზედა ზღვარს არ ადგენს კანონიკური სამართალი, ამიტომ კანონიკურად, 35-ს ზევით ვერავის ვერ მოხსნი კანდიდატურიდან ასაკის გამო. მაგრამ ჩვენს დებულებაში ნაჩვენები არის, რომ 70 წლამდე არის ეს ზღვარი დადგენილი და რამდენადაც არ წარმოადგენს იმპერატიულ კატეგორიას, ექვემდებარება ცვლილებას," — განაცხადა დმანისისა და აგარაკ-ტაშირის მთავარეპისკოპოსმა ზენონმა (იარაჯული) სინოდის სხდომის დაწყებამდე ჟურნალისტებთან საუბრისას. მან მედიასთან ისიც თქვა, რომ მყავს თავისი კანდიდატები, ისინი ილია II-ს მოჰყვებიან ადრეული დროიდან და მათ შორის აარჩევს"

"რაც ჩემთვის ცნობილია, შეტყობინებით მივიღე, საკითხები შეეხება საორგანიზაციო და პროცედურულ საკითხებს. რაც შეეხება ასაკსა და განათლებას, თუ ამაზე იქნება მსჯელობა, მაქვს ჩემი.

უნდა ვთქვა, რომ ზედა ზღვარს არ ადგენს კანონიკური სამართალი, ამიტომ კანონიკურად, 35-ს [წელს] ზევით ვერავის ვერ მოხსნი კანდიდატურიდან ასაკის გამო. მაგრამ ჩვენს დებულებაში ნაჩვენები არის, რომ 70 წლამდე არის ეს ზღვარი დადგენილი და რამდენადაც არ წარმოადგენს იმპერატიულ კატეგორიას, ექვემდებარებეა ცვლილებას. 70-60 წელი არის ის ასაკი პატრიარქისთვის, მთავარია ფუნქციონირებდეს და მუშაობდეს სისტემა, თორემ პატრიაქი უნდა იყოს იმ ასაკის, ფსიქოლოგას, ყველაფერს რომ თავი დავანებოთ, ჩვენ უნდა ვაპატრიარქოთ

მღდელმთავრები არიან, ვისაც შეიძლება არ ქონდეთ სასულიერო უმაღლესი განათლება, მაგრამ პატრიარქიც მღვდელმთავარია. თუ მღვდელმთავრობა შეიძლება [უდიპლომოდ], პატრიაქტობა რატომ არ შეიძლება? თბილისში რატომ არ შეიძლება იყოს უდიპლომო და ქუთაისში ან რუსთავში იყოს?" — განაცხადა სინოდის სხდომის დაწყაბამდე მეუფე ზენონმა.

ასევე, კითხვაზე ჰყავს თუ არა მთავარეპისკოპოსს თავისი კანდიდატი, ზენონმა განმარტა: "მე მყავს ჩემი კანდიდატი. ისინი არიან, ვინც ილია II-ს მოჰყვებიან ადრეული დროიდან, მათ შორის ავარჩევ".

სინოდის დრევანდელ სხდომაზე განხილული იქნება პატრიარქობისთვის აუცილებელი კრიტერიუმების საკითხი: ასაკობრივი ზღვარი და უმაღლესი საღვთისმეტყველო განათლების აუცილებლობა.

ცობისთვის, საქართველოს ავტოკეფალიური მართლმადიდებელი ეკლესიის მართვა-გამგეობის დებულების მიხედვით, მოსაყდრე იწვევს წმინდა სინოდს, საპატრიარქო კანდიდატების შესარჩევად. წმინდა სინოდი ირჩევს გაფართოებულ კრებაზე წარსადგენ 3 კანდიდატს. წმინდა სინოდის ყველა წევრს აქვს უფლება წარმოადგინოს ერთი საპატრიარქო კანდიდატი, მათ შორის თავისი თავიც. სინოდში ახლა 39 წევრია. ხმოსნების არსებული რაოდენობით პატრიარქად ასარჩევად კანდიდატმა მინიმუმ 20 ხმა უნდა დააგროვოს.

საპატრიარქო ტახტის დაქვრივებიდან 40 დღის შემდეგ, მაგრამ არა უგვიანეს ორი თვისა, საპატრიარქო ტახტის მოსაყდრე იწვევს საქართველოს ეკლესიის გაფართოებულ კრებას, რომელზედაც მოხდება სრულიად საქართველოს კათოლიკოს-პატრიარქის არჩევა.

სრულიად საქართველოს კათოლიკოს-პატრიარქობის კანდიდატი უნდა აკმაყოფილებდეს შემდეგ მოთხოვნებს: ეროვნებით უნდა იყოს ქართველი, უნდა იყოს საქართველოს მართლმადიდებელი ეკლესიის მღვდელმთავარი, უნდა ჰქონდეს საღვთისმეტყველო განათლება და საეკლესიო მმართველობის საკმარისი გამოცდილება, ასაკით უნდა იყოს არანაკლებ ორმოცი წლისა და არაუმეტეს სამოცდაათი წლისა, უნდა იყოს ბერი.