ტეილორ სვიფტმა სიმღერა Elizabeth Taylor-ის მუსიკალური კლიპი გამოუშვა.

სვიფტი ვიდეოში თავად არ მონაწილეობს — კლიპი აერთიანებს მსახიობ ელიზაბეთ ტეილორის ფილმების სცენებს, საარქივო მასალებსა და საინფორმაციო გამოშვებების კადრებს.

ვიდეოში გამოყენებულია კადრები ისეთი ფილმებიდან, როგორებიცაა: Cleopatra, Cat on a Hot Tin Roof, Who's Afraid of Virginia Woolf? და Boom!.

იხილეთ ნაწყვეტი:

სვიფტს არაერთხელ უსაუბრია საკუთარ აღტაცებაზე ელიზაბეთ ტეილორის მიმართ: "მისაბაძი ადამიანების პოვნა საკმაოდ რთულია, თუმცა ვიტყოდი, რომ ის ჩემთვის სწორედ ასეთია".

ელიზაბეთი, რომელიც 1932 წელს ლონდონში დაიბადა, მე-20 საუკუნის ერთ-ერთი უდიდესი კინოვარსკვლავი იყო. იგი უნიკალური სილამაზითა და ფეთქებადი, ძლიერი ნებისყოფის მქონე პერსონაჟების განსახიერებით გამოირჩეოდა.

ტეილორი თავის დროზე მსოფლიოში ყველაზე მაღალანაზღაურებადი მსახიობი ქალი იყო, თუმცა, კარიერული მიღწევების გარდა, საზოგადოების ყურადღებას თავისი სასიყვარულო ცხოვრებითაც იპყრობდა.

ფოტო: 20 Century Fox

სვიფტის თქმით, სიმღერა Elizabeth Taylor-ის შთაგონება ის მსგავსებები იყო, რომლებსაც საკუთარ თავსა და ცნობილ მსახიობს შორის ხედავდა: "ელიზაბეთი მუდმივად ყურადღების ცენტრში იყო, თუმცა ყველაფერს იუმორით უმკლავდებოდა და ცხოვრებას აგრძელებდა".

სიმღერის ტექსტი ელიზაბეთის ცხოვრებასთან დაკავშირებულ მინიშნებებს შეიცავს. ის იწყება პორტოფინოში — იტალიურ ქალაქში, სადაც მსახიობმა რიჩარდ ბერტონმა მას პირველად სთხოვა ხელი და სადაც ელიზაბეთმა 8 თაფლობის თვიდან 4 გაატარა.

სვიფტმა სიმღერის გამოსაშვებად და კლიპში მსახიობის ვიზუალური მასალის გამოსაყენებლად თანხმობა თავად ტეილორის ქონების მმართველებისგან მიიღო.

ფოტო: 1960 Metro-Goldwyn-Mayer Inc.

ვიდეოს შედეგად მიღებული ჰონორარი მსახიობის ფონდს გადაერიცხება, რომელიც მის არქივსა და ელისაბეთ ტეილორის შიდსთან ბრძოლის ფონდს მართავს.

"ჩემს ოჯახს ძალიან უყვარს ეს სიმღერა და დარწმუნებული ვარ, ბებიასაც ძალიან მოეწონებოდა", — განაცხადა ელიზაბეთის შვილიშვილმა, ქუინ ტივიმ, სიმღერის გამოსვლის შემდეგ.

მუსიკალური ვიდეო იხილეთ ბმულიდან.

ასევე იხილეთ: