10 თებერვალს, ამერიკის შეერთებული შტატების ვიცეპრეზიდენტი ჯეი დი ვენსი ოფიციალური ვიზიტით ბაქოში ჩავიდა, სადაც "აზერბაიჯანის რესპუბლიკის მთავრობასა და ამერიკის შეერთებული შტატების მთავრობას შორის სტრატეგიული პარტნიორობის ქარტიის" ხელმოწერის ცერემონია გაიმართა. Trend-ის ინფორმაციით, დოკუმენტს ხელი აზერბაიჯანის პრეზიდენტმა ილჰამ ალიევმა და ამერიკის შეერთებული შტატების ვიცეპრეზიდენტმა ჯეი დი ვენსმა მოაწერეს.

"გადმოგცემთ აშშ-ის პრეზიდენტის პირად მოკითხვას თქვენ და აზერბაიჯანის ხალხს", — APA-ს ცნობით, აშშ-ის ვიცე-პრეზიდენტმა ჯეიმს დევიდ ვენსმა ეს განცხადება ბაქოში, აზერბაიჯანის პრეზიდენტ ილჰამ ალიევთან შეხვედრის შემდეგ გამართულ ერთობლივ პრესკონფერენციაზე გააკეთა.

ვენსმა განაცხადა, რომ შეერთებულ შტატებსა და აზერბაიჯანს დიდი ხანია მნიშვნელოვანი სტრატეგიული პარტნიორობა აკავშირებთ: "შესაძლოა ბევრმა არ იცის, მაგრამ აზერბაიჯანი ერთ-ერთი ბოლო ქვეყანა იყო, რომელმაც ავღანეთიდან ჯარები გაიყვანა. ჩვენ ოპერაციები რთულ პირობებში ჩავატარეთ და იმ დროს ჩვენი რეპუტაციის შენარჩუნება შევძელით", — თქვა ვენსმა.

შეგახსენებთ, მანამდე აშშ-ის ვიცეპრეზიდენტი სომხეთს ეწვია, სადაც აშშ-მა და სომხეთმა ბირთვული თანამშრომლობის განცხადებაზე მოაწერეს ხელი. ჯეი დი ვენსმა აღნიშნა ისიც, რომ სომხეთში ამერიკული ინვესტიციების განხორციელება გაგრძელდება.