საქართველოს ბანკმა ქართული YouTube ეკოსისტემისა და კრეატორების გაძლიერების მიზნით, პირველი მასშტაბური ქართული რეალითი შოუ — Creator შექმნა.

პროექტის მერვე ეპიზოდში უკვე გამოვლინდნენ ფინალისტები, რომლებიც ერთმანეთს საბოლოო დავალების შესრულებაში შეეჯიბრებიან. ეპიზოდის სანახავად გადადით ბმულზე.

Creator-ის ფინალისტები გახდნენ:

მთელი პროექტის განმავლობაში დამწყებ იუთუბერებს აფასებენ, გამოცდილებას უზიარებენ და ახალ დავალებებს აძლევენ უკვე კარგად გამოცდილი და ცნობილი კრეატორები: დათო ალავიძე (ჰიტა), გიორგი მახარაშვილი (საეჭვო კაცი) და ნიკა კაკოიშვილი (კაკო). ამასთან, მუდმივ ჟიურისთან ერთად ყოველ ეპიზოდს ჰყავს მოწვეული სტუმარი, იუთუბერი მენტორი, რომელიც დამწყებ კრეატორებს საკუთარ გამოცდილებასა და რჩევებს უზიარებს და ეხმარება დავალების შესრულებაში.

“საქართველოში კრეატორობის კულტურა ახალფეხადგმულია. ბევრი ტალანტია, მაგრამ ეკოსისტემაა სუსტია — ბრენდები ჯერ კიდევ ტრადიციულ მედია მოდელებზე ორიენტირდებიან, შესაბამისად არ არის სტაბილური მონეტიზაციის პლატფორმები. Creator-ის საშუალებით პირველად გაჩნდა სივრცე, სადაც დამწყებებს აქვთ შესაძლებლობა, საკუთარ იდეას მისცენ ფორმა, მოისმინონ პროფესიონალების რეალური კრიტიკა და მიიღონ წვდომა განვითარებისთვის საჭირო რესურსებზე”, — აღნიშნავს ნიკა კაკოიშვილი (კაკო).

“ხარისხი არ არის აპარატურა (ტექნიკა). ხარისხი ხარ შენ — კრეატორობის კულტურა საქართველოში გეომეტრიული პროგრესიით იზრდება. ყოველ მომდევნო წელს, წინა წელთან შედარებით გაცილებით მეტი წარმატებული კრეატორია. ახალბედა კრეატორისთვის ყველაზე დიდი პრობლემა, ალბათ, გამოუცდელობაა. ასეთ პროექტებში მონაწილეობა კი შესაძლებლობაა გამოცდილების მიღებისა და წარმატების შესაძლებლობაა. ამ პროექტის ერთ-ერთ მთავარ ღირებულებად სწორედ გამოცდილების გაზიარებას ვხედავ, საწყისი ნაბიჯების საჯაროობას უკუკავშირთან ერთად... ეს ყველაფერი ძალიან მნიშვნელოვანია. თუმცა, როგორ უნდა გახდე იუთუბერი ეგ თავისთავადი და საინტერესო მოგზაურობაა." — აღნიშნავს დათო ალავიძე (ჰიტა).

“იმ ადამიანებისთვის, რომლებსაც სურდათ YouTube სივრცეში შემოსვლა, მაგრამ ეშინოდათ და ვერ იწყებდნენ, ვერ დგამდნენ ამ ნაბიჯს, რადგან არ იცოდნენ, რა ხდება ყოველი ვიდეოს მიღმა — ეს პროექტი მნიშვნელოვანი გამოცდილება აღმოჩნდა, რადგან მისი საშუალებით ჰქონდათ შესაძლებლობა, გასცნობოდნენ შიდა სამზარეულოს, ენახათ როგორ უნდა განვითარდნენ და დარწმუნებულიყვნენ, რომ ეს არც თუ ისე რთულია. 8 ადამიანი, რომლებიც პროექტის პირველ ეტაპებზე შეირჩა, ნათელი მაგალითი და ინსპირაცია და შეხსენება, რომ ტელეფონით გადაღებული ვიდეოებითაც შეიძლება არა მხოლოდ დაწყება, არამედ მწვერვალების მიღწევაც.“ — აღნიშნავს მახარა (საეჭვო კაცი).

“საქართველოს ბანკის YouTube გადაცემა Creator, უკვე მერვე ეპიზოდია მაყურებელს საინტერესო გამოწვევებსა და დავალებებს სთავაზობს. მიზანი უცვლელია, ერთი მხრივ, ხელი შევუწყოთ დამწყები კრეატორების განვითარებასა და გაძლიერებას, მეორე მხრივ კი. გამოცდილ კრეატორებს მივცეთ შესაძლებლობა, შექმნან კიდევ უფრო მეტად საინტერესო კონტენტი. შედეგად, Creator იქცა სივრცედ, სადაც, გამოცდილი იუთუბერები დამწყებ კრეატორებს უზიარებენ საკუთარ ცოდნასა და გამოცდილებას, აუდიტორიის ზრდისთვის საჭირო რჩევებს, დამკვეთებთან ურთიერთობის სპეციფიკასა და სხვ. სულ მალე, გადაცემის ფინალისტები გამოვლინდებიან. თუმცა, ჩვენ არ ვჩერდებით და ვაგრძელებთ კიდევ უფრო მეტი საინტერესო პროექტის განხორციელებას და ქართული YouTube ეკოსისტემის განვითარების ხელშეწყობას”. — აღნიშნავს მარიამ ცანავა, საქართველოს ბანკის ბრენდის მიმართულების ხელმძღვანელი.

თვალი ადევნეთ საქართველოს ბანკის YouTube არხს.