სტატისტიკის ეროვნული სამსახურის მონაცემებით, 2025 წლის დეკემბერში, ნოემბერთან შედარებით, საარსებო მინიმუმი 4.5 ლარით — 255.4 ლარიდან 250.9 ლარამდე შემცირდა.
საქსტატის ინფორმაციით, გასული წლის ნოემბერში შრომისუნარიანი ასაკის მამაკაცთა საარსებო მინიმუმი 288.4 ლარი იყო, დეკემბერში კი ეს მაჩვენებელი ხუთი ლარითა და 10 თეთრით შემცირდა და, ჯამში, 283.3 ლარი შეადგინა.

საარსებო მინიმუმი მინიმალური სასურსათო კალათის საფუძველზე დგინდება. მინიმალური სასურსათო კალათა განსაზღვრავს კვების პროდუქტების ნორმატიულ რაოდენობას, რომელიც უზრუნველყოფს შრომისუნარიანი ასაკის მამაკაცის ნორმალური სიცოცხლისა და ფიზიოლოგიური საჭიროებების დასაკმაყოფილებლად აუცილებელ ცილებს, ცხიმებს, ნახშირწყლებს და კალორიებს.