პარტია ფედერალისტებს ერთ-ერთ ლიდერს, თამარ ჩერგოლეიშვილს შსს "ოცნების" პარლამენტის წევრის, არჩილ გორდულაძის შესახებ დაწერილი შეურაცხმყოფელი პოსტის დაწერისთვის უჩივის. ამის შესახებ ჩერგოლეიშვილმა სოციალურ ქსელში დაწერა. მისი თქმით, თბილისის საქალაქო სასამართლოდან დაურეკეს და აცნობეს, რომ სასამართლო 15 იანვარსაა ჩანიშნული.

საქმე ეხება თამარ ჩერგოლეიშვილის მიერ 9 იანვარს სოციალურ ქსელში დაწერილ პოსტს, სადაც ის არჩილ გორდულაძეს "თალიბანის სი*-ს" უწოდებს და ჰპირდება, რომ "პატრიოტი ძაღლები დააფსამენ მის საფლავს".

თამარ ჩერგოლეიშვილი აცხადებს, რომ სასამართლო პროცესზე დასწრებას არ აპირებს.

შეგახსენებთ, რომ ქართულმა ოცნების მიერ ადმინისტრაციულ კოდექსში შეტანილი ცვლილებით, პოლიტიკური პირების და საჯარო მოსამსახურეების შეურაცხყოფა ადმინისტრაციულ პასუხისმგებლობას იწვევს, ჯარიმას 1500-4000 ლარამდე ან 45 დღემდე პატიმრობას. ქმედების განმეორების შემთხვევაში სასჯელი 2500-6000 ლარია ან 60 დღემდე პატიმრობა.

აღნიშნული ბრლადებით თამარ ჩერგოლეიშვილი 4 000 ლარით ერთხელ უკვე დააჯარიმეს. მას სოციალურ ქსელში მამუკა მდინარაძისა და თეა წულუკიანისთვის შეურაცხყოფის მიყენებას ედავებოდნენ.