ემის ნომინანტი მსახიობი, კეტრინ ჰანი, შესაძლოა, რაპუნცელის ახალ ადაპტაციაში ვიხილოთ. გავრცელებული ინფორმაციით, ის დედა გოთელის როლს მოირგებს.

წყაროს ცნობით, ჰანთან მოლაპარაკებები მას შემდეგ დაიწყო, რაც Disney-მ რაპუნცელის ადაპტაციისთვის მთავარი როლის შემსრულებელი მსახიობები, ტიგან კროფტი (რაპუნცელი) და მილო მანჰეიმი (ფლინ რაიდერი) დაამტკიცა.

ფოტო: Getty Images

ინფორმაცია განსაკუთრებით სასიხარულოა ემის ნომინანტი მსახიობისა და Disney-ს საკულტო ანიმაციის გულშემატკივრებისთვის, რომლებიც უკვე წლებია, დედა გოთელის როლზე ჰანის დამტკიცებას ითხოვენ.

მაყურებლები მიიჩნევდნენ, რომ ჰანი ამ როლისთვის ზედგამოჭრილი იყო, როგორც მათი ცალსახა ვიზუალური მსგავსებებით, ისე კატრინის ვოკალური მონაცემებით (აგათა ჰარკნესის როლის შესრულებიდან გამომდინარე).

ფოტო: Disney+

რაც შეეხება მსახიობს, ის სულ ახლახან Apple-ის სატელევიზიო სერიალ სტუდიოში, მაია მეისონის როლში, ვიხილეთ. ამ უკანასკნელით მან ემის ნომინაცია მიიღო.

შეგახსენებთ, რომ ანიმაციური ფილმი რაპუნცელი 2010 წელს გამოვიდა და დაახლოებით $582 მილიონი გამოიმუშავა. ამასთანავე, ფილმში შესრულებულმა სიმღერებმა ოსკარის და გრემის ნომინაციებიც მოიპოვა.

Disney-ს დედა გოთელის შემსრულებელი მსახიობის ვინაობა ჯერჯერობით არ დაუსახელებია. ასევე უცნობია, როდის ვიხილავთ ეკრანებზე რაპუნცელის ახალ ადაპტაციას.