"EU- ში გაწევრიანების მოლაპარაკებების პროცესს" სინამდვილეში მხოლოდ სახელი ჰქვია "მოლაპარაკება". ეს არის ბრუსელის მიერ დაწესებულები დირექტივების შესრულება, ეს აღმოვაჩინე მაშინ, როცა EU-ის სამართალს ვსწავლობდი", — ამის შესახებ ოცნების პარლამენტის თავმჯდომარემ, შალვა პაპუაშვილმა ბრიფინგზე განაცხადა. მისი თქმით, ამ პროცესისთვის "მოლაპარაკების" დარქმევა, "აბსოლუტური ფარსია!"

"ერთი სიმართლე ყველამ უნდა იცოდეს: სინამდვილეში ევროკავშირში გაწევრიანებაზე არანაირი მოლაპარაკების პროცესი არ არსებობს, ეს ბრიუსელის დავალებების შესრულების პროცესი გახლავთ, რასაც რაღაც მომენტში, თვითონ ბრიუსელიც აღიარებს. ამ პროცესისთვის მოლაპარაკებების დარქმევა არის აბსოლუტური ფარსი!

[...] ევროკავშირში გაწევრიანებაზე მოლაპარაკების პროცესი სინამდვილეში ეს არის ცალმხრივად დავალებების მიცემა და ამ დავალებების ბრიუსელის არარჩეული ბიუროკრატების გემოზე შესრულება. იმ თავისუფლებასაც არ გიტოვებენ, რომ რაღაც სხვადასხვა ოფციები გქონდეს - მეტი-მეტი, შეიძლება რაღაც ვალდებულების შესრულება გადავადდეს.

ეს ერთი მხრივ გასაგებია იმ მხრივ, რომ გინდა თუ ორგანიზაციის წევრობა გინდა და თუ არის რაღაც დირექტივები, ნორმები, რომელიც შენს კანონმდებლობაში უნდა გადმოიტანო, რა თქმა უნდა, ეს უნდა შეასრულო. საქართველოში ევროკავშირის კანონმდებლობის ნახევარი ასოცირების შეთანხმების გეგმით, რომლითაც გადმოტანილია, თუმცა პრობლემა არის ის, რაც არის ახალი ტენდენცია ბრიუსელიდან - ხდება რაღაც დამატებითი მოთხოვნების მოფიქრება, რაც დირექტივებით და მკაცრი დოკუმენტებით განსაზღვრული არ არის.

მაგალითად, მოსამართლეთა ვეტინგი, რაც არის აბსოლუტური ფანტაზიის ნაყოფი არარჩეული ევრობიუროკრატების ფანტაზიის ნაყოფი. ევროკავშირის არც ერთი დოკუმენტი, დირექტივა ასეთ რამეს არ ითვალისწინებს. არც ერთ მათ ქვეყანაში ასეთ რამეს არ ატარებენ, მაგრამ სხვა ქვეყნებს სთხოვენ მარტივი მიზეზის გამო - ეს არის პროცედურა, რომლითაც ცდილობენ სხვა ქვეყნის მართლმსაჯულებაზე ზემოქმედების ბერკეტი მოიპოვონ. მოლდოვაში ამ პროცესს ზურაბ ადეიშვილის ყოფილი მოადგილე - ქალბატონი ნონა წოწორია ატარებს, რომლის დროსაც საქართველოში წამების სისტემა შეიქმნა. ეს ადამიანი მოსამართლეთა შერჩევაში თუ გადარჩევაში ჟიურის მთავარი წევრია.

..."ევროკავშირში გაწევრიანების მოლაპარაკებების პროცესი" რომ სინამდვილეში მხოლოდ სახელი ჰქვია "მოლაპარაკება" და სინამდვილეში ეს არის ბრუსელის მიერ დაწესებულები დირექტივების შესრულება, ეს აღმოვაჩინე მაშინ, როცა ევროკავშირის სამართალს ვსწავლობდი. ეს ცნობილი ფაქტია, რომ მოლაპარაკების პროცესი ეს არის ბრუსელიდან წამოსული მოთხოვნების დაკმაყოფილება. ეს გასაგებია, შენ გინდა ორგანიზაციის წევრობა, ის ამბობს, რომ მაქვს 100 დირექტივა, ეს კრიტერიუმები უნდა შეასრულო", — განაცხადა შალვა პაპუაშვილმა ბრიფინგზე.