საფრანგეთში ფერმერები მასშტაბურ აქციებს აწყობენ. პროტესტის ნიშნად ფერმერებმა სხვადასხვა რეგიონებში მთავრობის შენობებსა და პოლიციის მანქანებს ცხოველის ნაკელი "შეასხეს". გზის გადაკეტვის შემდეგ კი სასოფლო ნარჩენები სამინისტროების წინ დატოვეს.

მას შემდეგ, რაც ფრანგულ ფერმებში ე.წ კანის დაავადება (LSD) გავრცელდა, სახელმწიფომ ვეტერინარებს დაავალა, გაენადგურებინათ ცხოველები, რომლებიც დაავადების გავრცელების საშიშროებას წარმოადგენდნენ. LSD ადვილად გადამდები დაავადებაა და ის ცხოველებში მწერების ნაკბენით გადადის. დაავადება რძის ხარისხს და ცხოველის ხორცს აფუჭებს.

ფრანგი ფერმერების ორგანიზაცია დაავადების აღმოფხვრის ამ მიდგომას ბრუტალურად აფასებს და თვლის, რომ პრობლემა ვაქცინითაც მოგვარდება, მაგრამ ფრანგი ვეტერინარების აზრით, ეპიდემია შეუძლებელს ხდის ჯანმრთელი და არაჯანმრთელი ცხოველების ერთმანეთისგან გარჩევას..

გარდა ამისა, ფერმერები ევროკავშირის თავისუფალი ვაჭრობის შეთანხმებასაც აპროტესტებენ, რომელიც სამხრეთ ამერიკიდან იაფი ხორცის შემოტანას ითვალისწინებს. ამ შეთანხმების გამო ფერმერებს ევროკავშირის კლიმატური და ჯანდაცვის რეგულაციების გამო ცხოველების დაკვლა მოუწევთ.