მედიის ადვოკატირების საზოგადოება საერთაშორისო ორგანიზაციის, "რეპორტიორები საზღვრებს გარეშეს" (RSF) 2025 წლის ანგარიშთან დაკავშირებით განცხადებას აქვეყნებს. მათი განმარტებით, "მზია ამაღლობელის დაკავება საყოველთაოდ არის შეფასებული, როგორც ავტორიტარული რეჟიმის გამოვლინება და ჟურნალისტზე ზეწოლის მაგალითი." მათივე თქმით, RSF-ის ანგარიში აჩვენებს მედიის მდგომარეობის კატასტროფულ გაუარესებას მსოფლიოში, მათ შორის საქართველოში, რაც სქართველოს რუსეთის, ბელარუსის, აზერბაიჯანის, ჩინეთის, მიანმარის და სხვა მსგავსი ქვეყნების გვერდით აყენებს.

"ავტორიტარიზმის მთავარი მახასიათებელი ჟურნალისტების დევნა და მათ მიმართ სიძულვილის გაღვივებაა.

მზია ამაღლობელის დაკავება საყოველთაოდ არის შეფასებული, როგორც ავტორიტარული რეჟიმის გამოვლინება და ჟურნალისტზე ზეწოლის მაგალითი.

საერთაშორისო ორგანიზაციის "რეპორტიორები საზღვრებს გარეშე" (RSF) 2025 წლის ანგარიში აჩვენებს მედიის მდგომარეობის კატასტროფულ გაუარესებას მსოფლიოში, მათ შორის საქართველოში, რაც ჩვენს ქვეყანას აყენებს იმ სახელმწიფოების გვერდით, როგორიც არის რუსეთი, ბელარუსი, აზერბაიჯანი, ჩინეთი, მიანმარი და სხვები.

ანგარიშში მოყვანილი გლობალური მაჩვენებლები ცხადყოფს, რომ ჟურნალისტების დევნა სიძულვილისა და დაუსჯელობის პირდაპირი შედეგია:

2025 წელს მსოფლიოში ჟურნალისტების მკვლელობის 67 დაკავების 503, დაკარგვის- 112 და ტყვეობის- 20 შემთხვევა.

"მედიის კრიტიკა სრულიად ლეგიტიმური და აუცილებელია. ჯანსაღი კრიტიკა უნდა იყოს ცვლილებების მომტანი, რომელიც უზრუნველყოფს თავისუფალი პრესის და შესაბამისად, საზოგადოებრივი სიკეთის გადარჩენას.

თუმცა, პრობლემა იწყება, როდესაც კრიტიკა ჟურნალისტების მიმართ მიზანმიმართულ სიძულვილში გადაიზრდება, როდესაც სიძულვილი განზრახ არის გაღვივებული და მის საფუძველზე ჩადენილი დანაშაული დაუსჯელი რჩება", — თიბოთ ბრუტინი, ,
"რეპორტიორები საზღვრებს გარეშე".

ჟურნალისტები არიან სიმართლის თვითმხილველები და მოწმეები, რომლებიც ისჯებიან ამ სიმართლის საზოგადოებამდე მიტანის გამო. საზოგადოების უმთავრესი ამოცანაა, არ დაექვემდებაროს მცდარ პროპაგანდას, რომლის მიზანიც ერთია: ჟურნალისტები საზოგადოების მტრად წარმოაჩინოს და მათ ნათქვამს სარწმუნოება დაუკარგოს", — დაწერა მედიის ადვოკატირების კოალიციამ.