"ოცნების" პარლამენტის ვიცესპიკერი ნინო წილოსანი ეხმაურება "ევროპელი ლიბერალების" (ALDE) განცხადებას, სადაც ისინი წერენ, რომ "აღშფოთებულნი არიან BBC-ის გამოძიებით, რომელიც ავლენს, რომ საქართველოს ხელისუფლებამ 2024 წელს მშვიდობიანი, ევროკავშირის მომხრე მომიტინგეების წინააღმდეგ პირველი მსოფლიო ომის დროინდელი ქიმიური იარაღი გამოიყენა, რაც ფუნდამენტური უფლებებზე შოკისმომგვრელი თავდასხმაა!"

"ALDE როგორც ჩანს, ჩარჩენილია 90-იანი წლების საქართველოში. მას ჰგონია, რომ საქართველოს ინსტიტუციები ყველანაირად დასავლური აღჭურვილობის ან დახმარების იმედად არის. საპოლიციო ძალები იყენებენ თანამედროვე აღჭურვილობას, რომლის შეძენის და უზრუნველყოფის შესაძლებლობა თავად ქვეყანას აქვს იმ ეკონომიკური სტაბილურობიდან გამომდინარე, რომელიც მათთვის როგორც ჩანს, მთლად სახარბიელო არ არის. რაც შეეხება ALDE აღშფოთებას და ამ მოწოდებას, ნეტავ, ასე მყისიერად აკეთებდეს განცხადებებს იმ ანტიქართულ პროცესებზე, როგორიცაა სახელმწიფო გადატრიალება, 4 ოქტომბერს ხელისუფლების დამხობის მცდელობა, მათ შორის, მათი პარტიის ერთ-ერთი საყვარელი წევრის, ალეკო ელისაშვილის ტერორისტული აქტი და ა.შ. ამიტომ, როცა ALDE განცხადებებს კითხულობთ ან აშუქებთ, ალბათ ყველაზე სამართლიანია, რომ ვიცოდეთ, რომ ALDE არის ნაცების და ამ ბოროტი ძალის მფარველი დასავლური დედაპარტია", — განაცხადა ნინო წილოსანმა.