10 ნოემბრიდან, ირაკლი ხმალაძე ქართული ოცნების იუსტიციის მინისტრის, პაატა სალიას მოადგილის თანამდებობიდან გათავისუფლდა. ბრძანებას ხელს ოცნების პრემიერმინისტრი ირაკლი კობახიძე აწერს.

"საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონის 24-ე მუხლის პირველი პუნქტის საფუძველზე, გათავისუფლდეს ირაკლი ხმალაძე საქართველოს იუსტიციის მინისტრის მოადგილის თანამდებობიდან 2025 წლის 10 ნოემბრიდან", — წერია ბრძანებაში.

იუსტიციის სამინისტროში აცხადებენ, რომ ირაკლი ხმალაძემ პოსტი პირადი განცხადების საფუძველზე დატოვა.

ირაკლი ხმალაძე პაატა სალიას მოადგილედ 15 მაისს დაინიშნა, მანამდე ის თბილისის ვიცე-მერის თანამდებობას იკავებდა.

2008–2013 წლებში ირაკლი ხმალაძე ენერგეტიკის სამინისტროს იურიდიული დეპარტამენტის უფროსი იყო, 2013–2017 წლებში — ენერგეტიკის მინისტრის მოადგილე (საპარლამენტო მდივანი), 2017 წლიდან მერიაში იკავებდა წამყვან თანამდებობებს.